Býrabaıdaǵy Abylaı han murajaıy jədigerlermen tolyqpaq
KÓKShETAÝ. QazAqparat - Býrabaıdaǵy Abylaı han murajaıy Aqmola oblystyq tarıhı-ólkentaný murajaıynyń jədigerlermen tolyǵatyn bolady. Bul týraly búgin aımaq basshysy Məlik Myrzalınniń aýdanǵa sapary barysynda aıtyldy, dep habarlaıdy «QazAqparat» HAA tilshisi.
Sapar barysynda aımaq basshysy Şýchınsk-Býrabaı kýrortty aımaǵynyń jazǵy demalý maýsymyna daıyndyq jumystaryn pysyqtady.
Abylaı han murajaıynda bolǵanynda aımaq basshysy munda qosymsha sóreler qoıyp, oblystyq tarıhı-ólketaný murajaıynyń qoryndaǵy jədigerlermen tolyqtyrýdy jəne qazirgi zamanǵy aqparattyq taqtaıshalarmen qamtamasyz etýdi tapsyrdy.
Qazirgi kezde atalmysh murajaı óz qorynan Býrabaıǵa Aqmola oblysynyń turmys-tirshiligi, tarıhynan syrt shertetin 100-ge jýyq jádiger jetkizýge daıyn.
Odan ári aımaq basshysy Býrabaı kentin kórkeıtý baǵytynda qolǵa alynǵan kóshelerdi jóndeý jáne abattandyrý jumystaryna nazar aýdardy. «Bereke» ortalyq bazary men jaǵajaı aýmaǵyn týrıstik maýsym kezinde tazalaýdy, sanıtarlyq epıdemıologııalyq jaǵdaıdy udaıy baqylaýda ustaýdy jáne qoǵamdyq tərtipti saqtaýdy qamtamasyz etýdi tapsyrdy. Əsirese, halyq kóp jınalatyn aýmaqtarǵa beınebaqylaý kameralaryn ornatý qajettigin atap ótti.
Sonymen qatar «Rıksos» qonaq úı kesheniniń EKSPO-ǵa daıyndyǵy men Golf klýbtyń qurylysyna kóńil bóldi.
Aıta keteıik, kýrortty aımaqta aýmaǵy 130 sharshy metr golf klýby salynyp jatyr. Onda «Chempıonat» klasty 18 golf alańy, klab-haýs jəne VIP-vılly qarastyrylǵan.
