Býrabaıdaǵy týrıstik nysandar jazǵy maýsymǵa daıyndalyp jatyr
KÓKShETAÝ. KAZINFORM — Býrabaı kýrortyndaǵy týrıstik nysandar servısti arttyra otyryp, jazǵy maýsymǵa daıyndalýda.
Jazǵy maýsymǵa daıyndyq aıasynda Prezıdenttiń Іs basqarmasy janyndaǵy «Býrabaı damý» JShS qyzmetkerleri jáne týrıstik nysandardyń ókilderi týrısterge kórsetiletin qyzmetterdiń servısi men sapasyn arttyrý úshin Aqmola oblysynyń týrızm salasynda jumys isteıtin qyzmetkerlerge, mamandarǵa arnalǵan semınar-trenıngke qatysyp jatyr.
«Aqmola oblysynyń týrızm basqarmasy janyndaǵy „Visit Aqmola“ týrıstik aqparattyq ortalyǵy Aqmola oblysynyń týrızm jáne demalys ınfraqurylymy nysandary úshin semınarlar tsıklin ótkizedi. Semınar 16 sáýirge deıin jalǵasady. Onda qonaq úı bıznesin basqarý, ekologııalyq týrızmdi damytý jáne onyń saýyqtyrý ındýstrııasyna qosqan úlesi, týrızmdegi marketıng tárizdi taqyryptar qozǵalady», — deıdi «Býrabaı damý» JShS baspasóz qyzmetinen.
Aıta ketsek, «Býrabaı damý» JShS basqarýynda tabıǵat murajaıy, haıýanattar baǵy, mýltımedıalyq ınteraktıvti keshen, Qazaqstandyq Laplandııa sııaqty nysandar bar.
Eske salaıyq, Býrabaıǵa Naýryz merekesin toılaýǵa 10 myńǵa jýyq týrıst kelgen bolatyn.
