Býrabaıdaǵy órtten zardap shekken bes adam Astanaǵa jetkizildi

BÝRABAI. KAZINFORM — 

Órtten zardap shekken bes adam Astana qalasyndaǵy Ulttyq jedel medıtsınalyq kómek kórsetý ortalyǵyna jetkizildi. Olardyń tórteýi ushaqpen, al bireýi jergilikti kólikpen jetkizildi, dep habarlaıdy Kazinform agenttiginiń tilshisi.

Aqmola oblysynyń densaýlyq saqtaý basqarmasynyń basshysy Narıman Ermek habarlaǵandaı, keshe Şýchınsk qalasyndaǵy «Tsentr plova» kafesinde bolǵan órtten zardap shekken bes patsıent Astana qalasyna aýystyrylǵan.

Órtten zardap shekken bes adam Astana qalasyndaǵy Ulttyq jedel medıtsınalyq kómek kórsetý ortalyǵyna jetkizildi. Olardyń tórteýi ushaqpen, al bireýi jergilikti kólikpen jetkizildi, dep habarlaıdy Kazinform agenttiginiń tilshisi.

— Tórt patsıent ushaqpen jetkizildi, bireýi — jergilikti kólikpen jóneltildi. Ekeýi Býrabaı aýdandyq aýrýhanasynan, úsheýi kópsalaly oblystyq aýrýhanadan aýystyryldy, — dedi Narıman Ermek.

Sondaı-aq, ol eń aýyr jaǵdaıdaǵy patsıentterdiń Akmola oblysynda qalatynyn, olardyń transportatsııalanýyna múmkindik joq ekenin aıtty.

Eske sala keteıik, buǵan deıin Şýchınskidegi kafede gaz qospasy jarylǵany jóninde jazǵanbyz.

Sonymen qatar, jarylystan zardap shekken 5 adam Kókshetaý aýrýhanasyna aýystyrylǵanyn habarlaǵanbyz.

Sondaı-aq jarylysqa baılanysty qylmystyq is qozǵaldy.

Şýchedegi jarylysta qaza tapqandardyń otbasyna 2 mln teńgeden beriletini habarlandy.

Şýchınskidegi órtten qaza tapqandardyń otbasyna 2 mln teńgeden tólendi.