Býrabaıdaǵy haıýanattar baǵy: qysta janýarlardy nemen qorektendirý kerek

Aqmola oblysyndaǵy Býrabaı kýrortynyń haıýanattar baǵynda ań-qustyń 30 túri bar. Tuıaqtylar, jyrtqyshtar, qustar, kemirgishter... Bulardyń árqaısysynyń derbes dıetasy bar, soǵan saı mázir jasalǵan, dep habarlaıdy Kazinform.

«Súıkimdi janýarlarǵa azyq berip, selfı jasaýǵa bárimiz qumarmyz, árıne. Degenmen, eger bizdiń janýarlar aýyryp qalmasyn deseńiz, haıýanattar baǵyna kelgende qarapaıym azyqtandyrý erejelerin saqtaýyńyzdy suraımyz», — deıdi «Býrabaı-Damý» JShS qyzmetkeri Ásem Muqymova.

Neni este saqtaý kerek?

• Shópqorektilerge nan, sábiz, qyzylsha jáne basqa da kókónisterdi qalyńdyǵy 1 sm-den aspaıtyndaı etip, dóńgelep berýge bolady.
• Jyrtqyshtarǵa jýan súıekteri bar et bermeńiz.
• Kókónisterdi tutastaı jese, óńeshi bitelip, qaqalyp qalýy múmkin.
• Shabdaly, qara órik, nektarın tárizdi jemisterdi kesek-kesegimen jegizbeńiz.
• Azyqtandyrmas buryn, azyqtyń búlinbegenine, shirik, kógerý jáne bógde zattardyń joq ekenine kóz jetkizińiz.
• Polıetılen paketter tabıǵatqa orasan zııan keltiretinin bilemiz. Sol úshin ondaı qaldyqtardy janýarlardyń janynda qaldyrmaǵan jón. Jep qoıyp nemese basqa jaǵdaıǵa ushyrasa, ólip qalýy múmkin.

Aıta ketsek, Prezıdent Іs basqarmasy «Býrabaı-Damý» kásipornynyń Haıýanattar baǵy barshańyz úshin esigin aıqara ashty.

Eske salaıyq, «Býrabaı» ulttyq parkinde 470 tonna shóp jáne 135 myń býma japyraq daıyndaldy.