Býrabaıdaǵy Baıkal soqpaǵynyń kúzgi ásem kórinisi kóz tartady
KÓKShETAÝ. KAZINFORM — Býrabaıdaǵy Baıkal soqpaǵy — Qazaqstandaǵy jaıaý serýendeýge arnalǵan eń kórkem jáne tartymdy oryndardyń biri. Úlken Shabaqty kóliniń ońtústik jaǵalaýynan aınalyp ótetin taý soqpaǵynyń tabıǵı sulýlyǵyna jergilikti turǵyndar da, týrıster de birden nazar aýdarady.
Onyń Baıkal soqpaǵy atalýynyń ózindik erekshelegi bar. ıAǵnı, jergilikti landshaftyń Baıkal kólimen uqsastyǵyna baılanysty atalyp ketken.
Kóldiń móldir sýy, jartasty jaǵalaýlary jáne keremet qaraǵaıly ormandary tabıǵat aıasynda demalýshylarǵa jaılylyq pen tynyshtyq atmosferasyn syılaıdy.
Baıkal soqpaǵy — jabaıy tabıǵattyń tynyshtyǵy men sulýlyǵynan lázzat alǵysy keletinder úshin tamasha jol.
Kúz mezgili — ormanda serýendeıtin jyldyń tamasha ýaqyty.
Soqpaqtyń uzyndyǵy ony bir kúnde júrip ótýge múmkindik beredi, bul tipti tabıǵat aıasynda demalýdy endi úırenip kele jatqan áýesqoı saıahatshylar úshin de taptyrmas oryn.
Al tájirıbeli saıahatshylar úshin marshrýtty keńeıtýge jáne kólder men onyń aınalasyndaǵy taýlardyń keremet kórinisterin usynatyn jaqyn shyńdarǵa shyǵý múmkindigi bar.
«Bul baǵyt ásirese jaıaý serýendep demalýshylardyń jıi keletin orny. Óıtkeni siz munda eń ádemi jerlerge tabanyzdy tıgizip qana qoımaı, sulý tabıǵat aıasynda demalyp, saf aýasyn jutyp, tynyshtyqtan lázzat ala alasyz. Sizdiń tynyshtyǵyńyzdy tek jabaıy qustardyń ásem áni men samal jel terbetken aǵash japyraqtarynyń sybdyry ǵana buza alady. Eger siz qalanyń kúıbeń tirliginen sharshasańyz, ońasha demalǵyńyz kelse, sondaı-aq, tabıǵatpen ózara úılesimdilikte bolǵyńyz kelse, onda siz Býrabaıdaǵy Baıkal soqpaǵyna kelińiz. Býrabaıdaǵy 12-den astam marshrýt sizdiń tańǵajaıyp saıahattaryńyzǵa daıyn. Tolyq málimetti bizden bilýge bolady», — deıdi «Býrabaı damý» JShS baspasóz qyzmetinen.
Aıta ketsek, budan buryn Býrabaıdaǵy Kenesary han úńgirine qalaı saıahat jasaýǵa bolatynyn jazǵan edik.
