Býrabaıda jemis-jıdek pen kókónis ósirýshilerdiń festıvali ótti
«Rýhanı jańǵyrý» baǵdarlamasyn júzege asyrý sheńberinde jáne Dúnıejúzilik týrızm kúnine oraı uıymdastyrylǵan sharaǵa Aqmola, Soltústik Qazaqstan jəne Ońtústik Qazaqstan oblystarynan baý-baqsha ósirýshiler qatysty. Olar jańa pisken kókónis, jemis, jıdek, bal, jańǵaq, sańyraýqulaq jəne balyqtan úı jaǵdaıynda jasalynǵan túrli ónimder men konserviler, tabıǵı shópterden əzirlengen dárilik shyryndar men qospalardy usyndy.
Sonymen qatar, ónimdi qalaı ósirip, jınaý kerektigi, konserviler ázirleý, dekoratıvti jəne ónimdiligi joǵary daqyldardy ósirýde qazirgi zamanǵy ozyq tehnologııalardy qalaı qoldaný qajettigine qatysty sheberlik sabaqtary ótip, qatysýshylar pikir almasty.
Baıqaý jeńimpazdary "Tabıǵat syıyn daıyndaý boıynsha eń úzdik sheberlik sabaǵy", "Eń úzdik kórme jədigeri", " Eń úzdik daıyndaýshy" jəne "Eń jomart satyp alýshy" atalymdary boıynsha anyqtaldy.
Úzdikterge dıplomdar men estelik syılyqtar tapsyryldy.
