Býrabaıda jas jigit kvadrotsıklden qulap aýyr jaraqat aldy
ASTANA. QazAqparat - Aqmola oblysynyń polıtseıleri kvadrotsıklden qulap aýyr jaraqat alǵan jigitke qatysty oqıǵany tekserýge kiristi.
Oqys oqıǵa Býrabaı kentinde 18 shilde kúni saǵat 17.00 shamasynda bolǵan, dep habarlaıdy Aqmola oblystyq ІІD-niń baspasóz qyzmeti. Býrabaı aýdandyq ishki ister bóliminiń kezekshilik qyzmetine aýdandyq aýrýhanadan 18 jastaǵy jigittiń aýyr halde jetkizilgendigin aıtyp qońyraý shalǵan.
Jigit ashyq bas jaraqatymen kelip túsken. Mıy shaıqalǵan. Onyń motokólikten qulap aýyr jaraqat alǵany belgili boldy. Oqıǵa ornyna aýdandyq ІІB jedel tekserý toby kelip jetken.
Zardap shekken Astana qalasynyń 18 jastaǵy turǵyny kvadrotsıkldy jalǵa alyp, shlem kımesten kólikti basqarǵan.
Kvadrotsıkldiń róline ıe bola almaı qalǵan ol joǵary kerneýli beton baǵanaǵa soǵylyp, basyn uryp alǵan.
Qazirgi ýaqytta atalǵan oqıǵaǵa baılanysty QR QK 345-babynyń 1-tarmaǵy boıynsha (jol qozǵalysy erejelerin buzý) is qozǵaldy.
