Býrabaıda zerek ári este saqtaý qabileti joǵary qus kózge tústi
ASTANA. KAZINFORM — Býrabaı ormanynda týrıster samyrsyn qusyn kezdestirgen.
Ulttyq parkte serýendep júrgen týrıst Park House mańyndaǵy ormanda samyrsynqusty baıqap qalǵan. Bir qyzyǵy, qus adamdardan asa úrikpeı, ózin erkin ustaǵan.
Samyrsyn — qarǵalar tuqymdasyna jatatyn, zerektigimen jáne este saqtaý qabiletiniń joǵarylyǵymen erekshelenetin qus. Kúzde ol qysqa azyq jınap, tuqymdar men jańǵaqtardy ártúrli jerge jasyrady. Tańǵalarlyǵy, qar basyp qalǵan kezde de jasyrǵan azyǵynyń birazyn taýyp ala alady.
Samyrsynnyń tabıǵattaǵy róli de erekshe. Ol qylqanjapyraqty aǵashtardyń tuqymdaryn taratýǵa kómektesedi. Qustyń umyt qalǵan qoryndaǵy tuqymdar qolaıly jaǵdaıda ónip, jańa aǵashtardyń ósýine yqpal etýi múmkin.
Osyndaı kútpegen kezdesý Býrabaıdyń janýarlar dúnıesi qanshalyqty baı ekenin taǵy bir márte kórsetedi. Eń bastysy — orman qustaryn úrkitpeı, qorektendirýge tyryspaı, tabıǵı tirshiligine kedergi keltirmeı baqylaý.
Aıta ketelik Ertis ormanynda bulan kóbeıgeni týraly jazǵan edik.
