Býrabaıda «Winter Fest-2018» festıvali ótedi

KÓKShETAÝ. QazAqparat - Aqmola oblysynyń Býrabaı kýrortynda qyzmet jáne saýyqtyrýdyń barlyq túrleri boıynsha «Winter Fest-2018» festıvali ótkiziledi, dep habarlaıdy QazAqparat tilshisi.

«Visit Aqmola» týrıstik aqparat ortalyǵynyń málimetinshe, 1 jeltoqsan kúni Býrabaı  kýrortyndaǵy «Burabay Land» saýyqtyrý saıabaǵynda tuńǵysh ret qyzmet jáne saýyqtyrýdyń barlyq túrleri boıynsha «Winter Fest-2018» festıvalin ótkizý josparlanyp otyr.

«Sharanyń maqsaty - Býrabaı kýrortynyń tanymaldyǵyn arttyrý, qyzmet jáne saýyqtyrý túrlerin usyný. Barlyq qatysýshylar óz qyzmetteri men saýyqtyrý túrlerin usyna otyryp, arnaıy dálizben júrip ótedi», - dep túsindirdi vedomstvodan.

Festıvalge kýrortty aımaqtaǵy otelder, saýyqtyrý jáne týrıstik qyzmettiń barlyq túrleri qatystyrylady.