Býrabaıda týrısterge arnalǵan «Oryndyq-Býrabaı» art-qurylysy ornatyldy
BÝRABAI. QazAqparat - Býrabaı kýrortynyń tanymaldylyǵyn arttyrý maqsatynda týrısterge arnalǵan «Oryndyq-Býrabaı» art-qurylysy ornatyldy, dep habarlaıdy QazAqparat tilshisi.
Aqmola oblystyq «Visit Aqmola» týrıstik aqparat ortalyǵynyń málimetinshe, atalmysh nysan ártúrli tabıǵı materıaldar men bólshekterden jasalǵan. Shyǵarmashylyq ıdeıa kórermenderdiń emotsıonaldy áserine arnalǵan.
«Jazdygúni kez kelgen adam kóp ýaqytyn tabıǵat aıasynda ótkizgendi qalaıdy. Saıabaq, skverde serýendep, ashyq aspan astynda týysqandarymen jáne dostarymen Býrabaıdyń sulý tabıǵaty men teńdessiz sáýlet eskertkishterin tamashalaǵysy keledi. «Oryndyq-Býrabaı» art-qurylysy sondaı nysandardyń biri sanalady. Nysan Býrabaı kýrortynyń tanymaldylyǵyn arttyrý maqsatynda týrısterge arnalǵan. Nysannyń uzyndyǵy 9,80 metr, eni 1,15 jáne bıiktigi 2,33 metrdi quraıdy. Eki jaqta ornatylǵan oryndyqqa 20 adam erkin jaıǵasyp otyra alady», deıdi «Visit Aqmola» týrıstik aqparat ortalyǵynyń baspasóz qyzmeti.
