Býrabaıda týrısterge arnalǵan Call-ortalyq iske qosylady
BÝRABAI. QazAqparat - Aldaǵy 1 maýsymnan bastap Býrabaıda 1405 qysqa nómirli baılanys ortalyǵy jumys isteı bastaıdy, dep habarlaıdy QazAqparat tilshisi.
«Aldaǵy maýsym aıynyń 1-2 kúnderi Býrabaı aýmaǵynda alǵash ret «Jaılaý» etnoaýyly óz jumysyn bastaıdy. Biz óz kezegimizde kásipkerlerge arnaıy jer bólip, jaǵdaı jasaımyz. Al olar kıiz úıler ornatyp, ulttyq baǵytta týrısterge qyzmet kórsetedi. ıAǵnı, onyń ishinde ulttyq saýyqtyrý oıyndary jáne atqa miný, qus ustaý, ań aýlaý degen sekildi ulttyq sporttyq oıyndar uıymdastyrylady. Bul da týrısterdi tartýdyń bir tásili. Sebebi buǵan deıin bizde etnoaýyl bolǵan emes»,- dedi «Býrabaı Damý» JShS bas dırektorynyń orynbasary Rýslan Ádilov QazAqparat tilshisine bergen suhbatynda.
Onyń aıtýynsha, etnoaýyldyń ashylýy barysynda teatrlandyrylǵan qoıylym, qymyz festıvali jáne báıge jarysy ótedi.
«Bizdegi taǵy bir jańalyq - Býrabaıda 1405 biryńǵaı nómirli Call-ortalyq iske qosylady. Baılanys ortalyǵy qazirgi ýaqytta testilik rejimde jumys isteýde. Al 1 maýsymnan bastap tolyqtaı qosylady. Qońyraý shalý ázirge aqyly túrde júzege asyrylady. Biraq kelesi jyldan bastap qyzmetti tegin kórsetýdi josparlaýdamyz. Odan bólek, qazir mobıldik qosymsha jasalyp jatyr. Synaqtan sátti ótse, qosymshany maýsym aıynyń aıaǵynda iske qosý kózdelgen. Onyń basty artyqshylyǵy, Býrabaıdaǵy demalys oryndary, olarda ótetin sharalar men baǵasyn bilýden bólek, qosymshada onlaın tóleý múmkindigi bolady», - deıdi ol.
Aıta keteıik, «Býrabaı damý» JShS QR Prezıdenti Іs basqarmasynyń Shýche -Býrabaı kýrorttyq aımaǵynyń aýmaǵyndaǵy obektilerin kútip ustaýmen jáne paıdalanýmen, týrıstik-operatorlyq qyzmetpen aınalysady. Maqsaty - kýrorttyq aımaqtyń jaǵymdy týrıstik ımıdjin qalyptastyrýǵa, el turǵyndarynyń barlyq sanattaryna qoljetimdi sapaly demalýdy uıymdastyrýǵa yqpal etý.
