Býrabaıda «tumaýratyp» usha almaı qalǵan birqazan qutqaryldy

BÝRABAI. QazAqparat - Usha almaı álsiregen birqazan Býrabaı kýrortynyń haıýanattar baǵyna ákelindi, dep habarlaıdy QazAqparat Burabay Damu ortalyǵyna silteme jasap.

9 qazan kúni Aleksandr Fýrtın men Aleksandr Brıakov esimdi azamattar Býrabaı aýdany Baıanbaı aýylynyń mańynan álsirep usha almaı jatqan birqazandy taýyp alǵan.

Olar aıanyshty kúıge túsken qusty tastap ketpeı, birden Býrabaı kýrortyndaǵy zardap shekken ań-qustar baǵylatyn haıýanattar baǵyna ákeldi.

Haıýanattar baǵynyń veterınarlary birqazannyń jaralanbaǵanyn, qanattary bútin ekenin anyqtady. Biraq qatty álsiregen qustyń ushýǵa shamasy joq.

Oǵan aldyn ala tumaý nemese vırýstyq aýrý degen dıagnoz qoıylyp otyr.

Qazir birqazan haıýanattar baǵynyń qysqy úıinde «turyp jatyr».

Jergilikti veterınardyń men basqa da qyzmetkerler oǵan kútim kórsetedi. Bıylǵy qysty osy jerde ótkizýge tıis.

«Biz onyń tezirek kúsh jınap qalpyna kelýine, sóıtip kóktemge qaraı úıirine qosylyp, ushyp ketýine bar kúshimizdi salamyz» dep sendirdi ortalyq.