Býrabaıda tórt adam sýdan qutqaryldy

KÓKShETAÝ. QazAqparat - Aqmola oblysynyń Býrabaı kólinde tórt adam sýdan qutqaryldy, dep habarlaıdy QazAqparat tilshisi.

«Shildeniń 25-inde Býrabaı kólin patrýldeý kezinde qutqarýshylar birneshe adam otyrǵan qaıyqtyń aýdarylǵanyn baıqaǵan. Qutqarýshylar jetkenshe qaıyq sýǵa batyp ketti, tórt adam qutqaryldy. Belgili bolǵandaı, demalýshylar Býrabaıǵa Shymkent jáne Nur-Sultan qalalarynan kelgen. Olar qaıyqty basqara almaı aýdarylǵan», - dedi Aqmola oblystyq Tótenshe jaǵdaılar departamentiniń baspasóz qyzmetinen.

Osy rette, Tótenshe jaǵdaılar departamentiniń qyzmetkerleri oblys turǵyndary men qonaqtaryn sýdaǵy qaýipsizdik erejelerin saqtaýdy suraıdy.

Aıta ketsek, budan buryn Aqmola oblysynda sýǵa ketken boıjetkenniń denesi bes kúnnen soń tabylǵan edi.