Býrabaıda tóbeleskenderdiń ákimdik qyzmetkerleri ekeni rastalmady
KÓKShETAÝ. QazAqparat - Býrabaıdaǵy dámhanalardyń birinde tóbeleskenderdiń ákimdik qyzmetkerleri ekeni rastalmady, dep habarlaıdy QazAqparat tilshisi oblystyq ІІD baspasóz qyzmetine silteme jasap.
Polıtseılerdiń málimeti boıynsha, 7 qarashada Býrabaı aýdandyq ІІB jergilikti qonaqúı keshenderiniń biriniń ákimshisi aryzdanyp, kelýshilerdiń 500 myń teńge kóleminde shyǵyn keltirgenin aıtqan.
«Osyǵan baılanysty polıtseıler QR QK 202 baby boıynsha sotqa deıingi tergeý amaldaryn qolǵa aldy. Tergeý barysynda anyqtalǵandaı, 6 qarasha kúni atalǵan qonaqúı keshenine kelýshi 1972 jáne1974 jylǵy eki er adamnyń arasynda tóbeles shyqqan. Ekeýi de esh jerde jumys istemeıtin Býrabaı aýdanynyń turǵyndary bolyp shyqty. Qazirgi kezde, olardan túsinikteme alynyp, qonaqúı keshenine keltirilgen shyǵyn tolyq óteldi. Taraptardyń bir-birine ýáji joq.
Sol sebepti, osyǵan deıin BAQ-da jarııalanǵandaı, atalǵan tóbeleske «Býrabaı aýdany ákiminiń apparaty» MM-niń qyzmetkerleriniń qatysy bar degen aqparat shyndyqqa janaspaıdy», dep kórsetilgen habarlamada.
