Býrabaıda «SportFEST Kazakhstan» respýblıkalyq spartakıadasynyń aqtyq kezeńi ótýde
KÓKShETAÝ. QazAqparat - Aqmola oblysynyń Býrabaı kýrortynda «SportFEST Kazakhstan» respýblıkalyq spartakıadasynyń aqtyq kezeńiniń ashylýy rásimi ótti, dep habarlaıdy QazAqparat tilshisi.
"Baldaýren" respýblıkalyq oqý-saýyqtyrý ortalyǵynda ótip jatqan sharaǵa elimizdiń 800 mektebiniń oqýshylary arasynda óńirlik saıystarda jeńiske jetken balalar qatysyp, baq synaýda.
Elimizde buqaralyq sportty damytý boıynsha alǵash ret qolǵa alynyp otyrǵan joba jeńimpazdaryn Aqmola oblysynyń əkimi Məlik Myrzalın, QR Parlamenti Senatynyń depýtaty Darıǵa Nazarbaeva, QR Din isteri jəne azamattyq qoǵam mınıstri Darhan Qáletaev jáne ózge de memlekettik organdardyń ókilderi, jastar uıymdarynyń jetekshileri, sport juldyzdary quttyqtady.
"«SportFEST Kazakhstan» jobasynyń basty maqsaty - buqaralyq sportty damytý, jastar men mektep oqýshylarynyń bos ýaqyttaryn sport zaldary men stadıondarda ótkizýin nasıhattaý. Sondaı-aq, dene shynyqtyrýdy ómirimizdiń ajyramas bóligine aınaldyrý", dedi D.Nazarbaeva.
Týrnır 8-10 synyp oqýshylary arasynda fýtzal, əskerı-qoldanbaly sport túri, ústel tennısi, basketbol jəne toǵyzqumalaq tərizdi sporttyń 6 túri boıynsha ótýde. 
Sharaǵa qatysqan Aqmola oblysynyń əkimi Məlik Myrzalın quttyqtaý sózinde qatysýshylarǵa səttilik tileı kele, buqaralyq sportty damytýda Býrabaı baýraıynda «SportFEST Kazakhstan» jobasyn jyl saıyn ótkizip turatyn atap ótti.
