Býrabaıda shomylyp júrgen eki balany tolqyn kóldiń ortasyna alyp ketken

BÝRABAI. QazAqparat- Aqmola oblysynyń Kishi Shabaqty kólinde eki bala qutqaryldy, dep habarlaıdy QazAqparat tilshisi oblystyq TJD baspasóz qyzmetine silteme jasap.

Vedomstvonyń málimetinshe, úrlemeli basseınde bolǵan 7,5 jasar eki balany tolqyn kóldiń ortasyna alyp ketken. Jeldiń qatty bolǵanyna qaramastan balalar qutqarýshylar kelgenshe basseınge jarmasyp, ustap turdy.

«Saǵat 18:53 shamasynda Býrabaı aýdanynyń Kishi Shabaqty kólinde kámelet jasyna tolmaǵan eki balany tolqyn jaǵadan alyp ketkeni týraly habar tústi. Aıtylǵan jerge mobıldi qutqarý beketiniń qutqarýshylary Erlan Japarov pen Ersin Nuraqaı jetti. Qutqarýshylar 2012 jáne 2015 jylǵy balany qaıyqqa otyrǵyzyp, jaǵaǵa alyp shyǵyp ata-anasyna tapsyrdy» deıdi qutqarý jasaǵynyń bas qutqarýshysy Erkin Tólepbergenov.

Aıta keteıik, taıaýda Býrabaı aýdanynyń Kishi Shabaqty kólinde sýdan qutqarý beketi ashylǵan bolatyn.