Býrabaıda segiz eldiń mamandary shıpajaı-kýrortty emdeýdi damytý tájirıbesimen bólisti
KÓKShETAÝ. QazAqparat - Býrabaı kýrortynda IV-shi halyqaralyq «Shıpajaı - 2019» ǵylymı-praktıkalyq forýmy ótip jatyr, dep habarlaıdy QazAqparat tilshisi.
Shara QR Prezıdenti Іs basqarmasynyń Medıtsınalyq ortalyǵynyń uıymdastyrýymen tórtinshi jyl qatarynan ótýde. Forýmnyń ashylýyna aımaq basshysy Ermek Marjyqpaev qatysyp sóz sóıledi.
«Barshamyz elimizdi barlyq jaǵynan damyǵan, gúldengen memleket retinde kórgimiz keledi. Onyń ishinde basty másele azamattardyń densaýlyǵyn jaqsartý mańyzdy bolyp otyr. Halyqtyń densaýlyǵyn nyǵaıtýda shıpajaı-kýrortty emdeýge erekshe kóńil bólinýde. Bul baǵytty damytýda bizdiń oblystyń áleýeti zor», - dep atap ótti óńir basshysy.
Prezıdenti Іs basqarmasynyń Medıtsınalyq ortalyǵynyń basshysy Alekseı Tsoıdyń aıtýynsha, forýmnyń negizgi taqyryby retinde medıtsınalyq reabılıtologııa tekten tek alynyp otyrǵan joq.
Mindetti áleýmettik medıtsınalyq saqtandyrýdy engizý 2020 jyldan bastap jańa tarıftik saıasatty eskere otyryp shıpajaı-kýrortty salanyń damýyna múmkindik beredi.
Forýmda aıtylǵandaı, jyl saıyn elimizde otadan keıin 400 myńnan astam adam beıimdeýdi qajet etedi. Prezıdent klınıkasynyń dárigerleri júrgizgen úsh jyldyq zertteý shıpajaı-kýrortty jáne qalpyna kelý emin qabyldaǵan naýqastardyń dárigerge qaıta barý kórsetkishi jylyna 20 paıyzǵa deıin kemigen.
Forýmda Italııa, Germanııa, Chehııa, Túrkııa, Ázerbaıjan, Grýzııa, Lıtva jáne Reseı elinen kelgen jetekshi mamandar shıpajaı-kýrortty emdeýdi damytýda ózderiniń oı-pikirlerin ortaǵa salyp, tájirıbelerimen bólisti.
Forým qonaqtary elimizge tanymal «Oqjetpes» shıpajaıy jáne maral sharýashylyǵy aýmaǵynda bolyp, júzege asyrylyp jatqan túrli saýyqtyrý sharalarymen jauyn tanysty.
