Býrabaıda Rixos konaqúıindegi órttiń sebebi belgili boldy
KÓKShETAÝ. QazAqparat- Býrabaıdaǵy Rixos qonaqúı kesheninde bolǵan órttiń sebebi belgili boldy, dep habarlaıdy QazAqparat tilshisi Aqmola oblysynyń TJD baspasóz qyzmetine silteme jasap.
Eske sala keteıik, buǵan deıin habarlaǵanymyzdaı Rixos qonaqúı kesheni aýmaǵyndaǵy dámhana órtke oranǵan bolatyn.
TJD málimeti boıynsha, órt búgin saǵat 14:05 shamasynda Rixos qonaqúı kesheni aýmaǵyndaǵy jazǵy dámhanada boldy. Tilsiz jaýdy aýyzdyqtaýǵa TJD Şýche qalasyndaǵy 22 órt sóndirý otrıady men 4 órt sóndirý tehnıkasy jumyldyrylǵan. Zardap shekkender joq. Shyǵyn kólemi anyqtalyp jatyr.
«Órt 30 sharshy metr aýmaqty sharpydy. Aldyn ala boljam boıynsha órttiń shyǵýyna elektr qýatyn tartý shıtindegi elektr symdarynyń qysqa tuıyqtalýy sebep bolǵan. Qazir oqıǵa baılanysty synaq órt zerthanasynda órt-tehnıkalyq zertteý taǵaıyndaldy», - dep túsindirdi TJD baspasóz qyzmetindegiler.
Osyǵan deıin Býrabaıdaǵy Rixos qonaqúı kesheni aýmaǵynan órt shyqqanyn habarlaǵanbyz.
