Býrabaıda reseılik azamatsha jumbaq jaǵdaıda kóz jumdy
ASTANA. KAZINFORM – 11 naýryz kúni tańǵy saǵat jetide Şýchınsk qalasynda Baldáýren lageriniń mańynda áıel adamnyń múrdesi tabyldy. Bul týraly @aqmolive jazdy.
1997 jyly týǵan Tatıana Mıhaılova túski ýaqytta qańǵybas ıtterdi tamaqtandyrýǵa shyǵyp ketken. Ol RF azamaty ekeni belgili boldy. Sońǵy eki jylda Şýchınsk qalasynda turyp jatqan.
«Denesinde zorlyq–zombylyqtyń izi baıqalmaǵan. Azamatshanyń denesi Mamandandyrylǵan aýdanarlyq sotqa joldandy», – delingen habarlamada.
Birge turǵan azamattyń sózinshe, Tatıana saǵat 19:00 shamasynda qońyraý shalyp, ystyq vanna daıyndap qoıýyn ótingen. Qatty tońyp qalǵanyn aıtyp, jaqyn ýaqytta úıge oralatynyn habarlaǵan. Alaıda, osy jaǵdaıdan keıin azamatsha baılanysqa shyqpaǵan. Alkogoldik ishimdikke áýestigi bolmaǵany, esepte turmaǵany belgili boldy.
