Býrabaıda polıatlonnan Álem kýbogynyń kezeńi ótedi
ASTANA. QazAqparat - 2017 jyldyń 25-28 aqpany aralyǵynda Býrabaı ónirinde, ıaǵnı Şýche qalasynda áıelder men erler arasyndaǵy qysqy polıatlonnan Álem kýbogynyń 3-shi kezeńi ótedi, dep habarlaıdy QazAqparat tilshisi.
Bul dúbirli halyqaralyq jarysqa dúnıejúziniń 12 memleketinen 70-ke jýyq bedeli joǵary sportshylar qatyspaq. Bul sport túri 3 saıys boıynsha ótedi, ol: shańǵymen júgirý, kúshtik gımnastıka jáne nysana kózdeý.
Baǵdarlamaǵa sáıkes, 25 aqpanda Şýche qalasynda ornalasqan «Jaqsy» sport kesheńinde saǵat 14:00-de baspasóz-maslıhaty ótedi. Sonymen qatar, sol kúni saǵat 16:00-de saltanatty ashylý rásimi bolmaq. Jarys kestesi boıynsha saıys 28 aqpanǵa deıin sozylady.
Shańǵy jarysy jáne shańǵy estafeta saıysy «TsSKA» bazasynda ótse, qalǵan dıstsıplınalar «Jaqsy» sport saraıynda jalǵasady.
