Býrabaıda ótken marafonǵa 1 myńnan astam adam jınaldy - Aqmola oblysy
KÓKShETAÝ. QazAqparat - Býrabaıda 1 myńnan astam adamnyń qatysýymen ıARKOkross «Eń baqytty bes shaqyrym» marafony ótti, dep habarlaıdy "QazAqparat" HAA tilshisi.
Kýrortty eldi mekendegi "RIKSOS" qonaq úıi kesheni mańyndaǵy "Laplandııa" aýmaǵynda uıymdastyrylǵan kúlli əlemge «Eń baqytty bes shaqyrym» degen atpen áıgili bolǵan aktsııaǵa elimizdiń ər óńirinen jınalǵan 1 myńnan astam erikti qatysty. Qatysýshylar 5 shaqyrym boıynsha baq synady. Jarys erejesine saı qatysýshylar starttan taza ketip, mərege ústerindegi kıimderine túrli tústi boıaý jaǵylǵan kúıde jetýi tıis.
Jarystyń bir ereksheligi ol naqty jeńimpazdyń joqtyǵy. Munda bastysy - qatysýshylardyń meılinshe lázzat alýy men olardyń kóńil-kúıin kóterý.
"Bıylǵy jylǵy ıARKOkrossty uıymdastyrýshylar elimizdiń jeti qalasynda ótkizýdi kózdep otyr. 18-shi maýsym kúni Almaty qalasynda bastaý alsa, endi Býrabaıda jalǵasyn taýyp otyr. Odan əri Astana, Qaraǵanda, Pavlodar, Óskemen jáne Shymkent qalalarynda jalǵasyn tabady", dedi Aqmola oblystyq deneshynyqtyrý jáne sport basqarmasy basshysynyń orynbasary Əset Búkibaev.
