Býrabaıda ótken qaıyrymdylyq velosherýinen 160 mln teńge jınaldy

KÓKShETAÝ. QazAqparat - Aqmola oblysynda ótken qaıyrymdylyq velosherýinen 160 mln teńge qarjy jınaldy, dep habarlaıdy QazAqparat tilshisi.

Býrabaı kýrortynda uıymdastyrylǵan besinshi Charity Tour de Burabaý qaıyrymdylyq velosherýine osy joly 1500-den asa adam qatysty. Onyń ishinde 718 qatysýshy 30 shaqyrym joldy velosıpedpen júrip ótti.

Sharaǵa QR Mádenıet jáne sport mınıstri Arystanbek Muhamedıuly qatysty.  

«Charity Tour de Burabay elimizde velosıped sportyn nasıhattap, damýyna úles qosýda. Sondaı-aq, naýqas balalardyń em alyp, ońaltýyna  da  erekshe kóńil bólip otyrǵanymyzdy baıqatyp otyr», - dep atap ótti mınıstr óz sózinde.

Sonymen qatar, sharaǵa Danııar Eleýsinov, Serik Sápıev, Ilıa Ilın, Galına Voskoboınıkova jáne ıAkýb Výısen sııaqty tanymal sportshylar qatysty. Qaıyrymdylyq velosherýinen 160 mıllıon teńge qarjy jınaldy.

«Astana Pro Team» komandasynyń bas menedjeri Aleksandr Vınokýrov izgi bastamanyń júzege asýyna qolǵabys etkenderdiń barlyǵyna alǵysyn bildirdi. «Astana Pro Team» komandasy bul is-sharany jylda keńinen qoldap otyratynyn atap ótý qajet.

Aıta keteıik, bes jyl ishinde jınalǵan qarjy somasy 14 esege artyp, 463,5 mıllıon teńgeni qurady. Al qatysýshylardyń sany 7 esege artty.