Býrabaıda «Octoberfest Burabay» syra festıvali ótýde
KÓKShETAÝ. QazAqparat- Býrabaı baýraıynda «Four seasons» jobasy sheńberinde «Octoberfest Burabay» syra festıvali ótip jatyr, dep habarlaıdy QazAqparat tilshisi.
Maýsymnan tys ýaqytta týrısterdi óńirge barynsha tartý maqsatynda uıymdastyrylyp otyrǵan sharaǵa Aqmola oblysy əkiminiń orynbasary Ashat Qaınarbekov, oblystyq týrızm basqarmasynyń basshysy Shynarbek Búrkitbaev, sondaı-aq, óńirdegi 16 otel ókilderi qatysty. Sondaı-aq, festıvalge Qazaqstandaǵy Polsha elshiliginiń ókilderi de keldi.
«Aqmola oblysy óziniń tabıǵı-klımattyq jaǵdaıymen, kýrortty əleýetimen, saýyqtyrý oryndarmen dúnıejúzine tanymal. Osy kúni oblysymyz otandyq týrısterge ǵana emes, sheteldik qonaqtarǵa joǵary sapaly týrıstik qyzmet kórsete alady. Maýsymnan tys ýaqytta týrısterdi óńirge kóptep tartý maqsatynda uıymdastyrylǵan sharada eresekter men balalarǵa túrli kóńil kóterý sharalary qarastyrylǵan. Tanymal dıdjeı jəne estrada juldyzdary óner kórsetedi», - dedi oblystyq týrızm basqarmasynyń basshysy Shynarbek Búrkitbaev.
Eske sala keteıik, uıymdastyrýshylar sharaǵa 1000 jýyq adam qatysady dep josparlap otyr. Osy kún týrıster úshin Býrabaıdaǵy qonaq úıler 50 paıyz jeńildikter usynady.
Osyǵan deıin Býrabaı baýraıynda «Four Seasons» ımıdjdik jobasy aıasynda baqshashylardyń «Tabıǵattyń syıy», asyl tuqymdy ańshy ıtter men tóbetterdiń «Qansonar» festıvali ótip, týrısterdiń qyzyǵýshylyǵyn arttyrǵan bolatyn. Alda ańshy qustar men ertegiler festıvalin ótkizý josparlanyp otyr.
