Býrabaıda mektep dırektory ashanadaǵy tekseristen keıin qyzmetinen bosatyldy

ASTANA. KAZINFORM – Býrabaı aýdany prokýratýrasy Býrabaı kentindegi S. Seıfýllın atyndaǵy orta mekteptiń qyzmetinde mekteptegi tamaqtanýdy uıymdastyrý kezinde jol berilgen eleýli zań buzýdy anyqtady. 

Býrabaı aýdany prokýratýrasy Býrabaı kentindegi S. Seıfýllın atyndaǵy orta mekteptiń qyzmetinde mekteptegi tamaqtanýdy uıymdastyrý kezinde jol berilgen eleýli zań buzýdy anyqtady. 

Konkýrs jeńimpazy dep tanylǵan jetkizýshi konkýrsqa qatysý barysynda óziniń biliktiligi týraly jalǵan málimetter usynyp, naqtysynda ózinde jumys istemeıtin qyzmetkerlerdi (aspazdar,
daıashylar jáne t. b.) kórsetken.

Konkýrsty jeńip alǵannan keıin jetkizýshi mekteptegi tamaqtanýdy qamtamasyz etý jónindegi qyzmetterdi is júzinde kórsetpeı, óz mindettemelerin tıisti ókilettikteri men ruqsat qujattary joq úshinshi tulǵaǵa zańsyz túrde bergen.

— Atalǵan tulǵa jumystardy oryndaýǵa alkogoldi shamadan tys tutynatyn, sondaı-aq osy negizder boıynsha buryn ata-analyq quqyqtarynan aıyrylǵan adamdardy tartqan.

Mektep ákimshiligi jetkizýshiniń biliktilik talaptaryna sáıkestigin tıisti túrde teksermeı, ony mekteptegi tamaqtanýdy uıymdastyrýǵa zańsyz jol bergen, bul kámeletke tolmaǵandardyń ómiri men densaýlyǵyna áleýetti qaýip tóndirgen, — delingen habarldamada.

Prokýratýranyń usynýy boıynsha jetkizýshimen jasalǵan shart buzylyp, ony memlekettik satyp alýdyń josyqsyz qatysýshysy dep taný týraly sotqa talap aryz berildi, mektep dırektory atqaryp otyrǵan qyzmetinen bosatyldy, konkýrs komıssııasynyń músheleri men aýdandyq bilim bóliminiń qyzmetkeri tártiptik jaýapkershilikke tartyldy.

Aıta ketelik Túrkistan oblysynda sanıtarlyq talapty buzǵan mektep ashanalaryna 7,3 mln teńge aıyppul salynǵan edi.