Býrabaıda qyzǵa talasqan jigitterdiń kesirinen 19 jastaǵy stýdentke oq tıdi

Bul týraly oblystyq ІІD baspasóz qyzmetinen habarlady.

«Búgin Býrabaı aýdandyq ІІB kezekshilik bólimine aýdandyq aýrýhana dárigerleri habarlasyp, 19 jastaǵy stýdenttiń oń aıaǵynan oq tıip aýrýhanaǵa túskenin aıtqan.

Osyǵan oraı júrgizilgen tergeý amaldary barysynda keleńsiz jaǵdaıdyń búgin túngi 03:30 mınýt shamasynda Býrabaı aýdanyndaǵy kolledjderdiń birinde oryn alǵany anyqtaldy.

Kolledj kúzetshisiniń aıtýynsha, osynda otjaǵýshy bolyp jumys isteıtin 1995 jylǵy er adam baldyzymen birge kolledj jatahanasyna basa-kóktep kirip, eki stýdentti dalaǵa alyp shyqqan. Keıin biriniń oń aıaǵynan atqan. Aldyn ala málimetter boıynsha otjaǵýshynyń 1998 jylǵy baldyzy men 4 kýrs stýdenti qyzǵa talasyp qalǵan kórinedi. Alaıda, oq qyzǵa talasqan stýdenttiń emes, onyń dosynyń aıaǵyna tıgen.

Qazirgi kezde, osy oqıǵaǵa baılanysty QR QK 293 babynyń 3 bólimi boıynsha (buzaqylyq) boıynsha qylmystyq is qozǵaldy», delingen habarlamada.