Býrabaıda koronavırýs juqtyrǵandar sany ósken
Oblystyq sanıtarlyq-epıdemıologııalyq baqylaý departamenti baspasóz qyzmetiniń málimetinshe, 2 tamyzdaǵy jaǵdaı boıynsha, Aqmola oblysynda koronavırýs ınfektsııasyn juqtyrýdyń 101 jańa zerthanalyq rastalǵan jaǵdaıy tirkeldi, onyń ishinde sımptomdary bar - 91 jaǵdaı, sımptomdary joq – 10 jaǵdaı. Bulandy - 21, Býrabaı – 20, Esil aýdanynda - 17, Qorǵaljyn - 6, Kókshetaý qalasynda - 5, Aqkól - 5, Zerendi - 5, Arshaly - 5, Atbasar - 3, Birjan Sal - 3, Ereımentaý - 3, Sandyqtaý - 3, Shortandy - 3. Astrahan aýdanynda - 1.
«Tirkelgen 101 jaǵdaıdan tek 39 adam (38,6%) vaktsınatsııalandy, 21 (70%) ýaqtyly revaktsınatsııa alǵan joq, 19 (90,4%) ýaqtyly qaıta revaktsınatsııa alǵan joq. Aýrý tendentsııasyn taldaý oblys turǵyndarynyń KVI-ge qarsy ımmýndyq qorǵanysynyń áli de jetkiliksiz ekendigin kórsetti», - dedi vedomstvodan.
Departamenttiń baspasóz qyzmetinen atap ótkendeı, bıylǵy jylǵy maýsym aıynyń 26-nan bastap Býrabaı aýdanynda COVID-19 juqtyrǵandardyń ósýi baıqalady, osy kezeńde 247 adamda rastaldy.
«Aýdanda KVI-men 14 jasqa deıingi balalar da aýyrady, bıylǵy jyldyń 26 maýsymynan bastap 59 bala juqtyrǵan. Kýrorttyq aımaq jaqyn shetelden keletin týrısterdiń aǵynyna baılanysty KVI-diń taralý qaýpiniń eń úlken aımaǵy bolyp otyr. Dál osy jerde halyqqa vaktsınatsııadan, revaktsınatsııadan, tórtinshi qaıta revaktsınatsııadan ótý qajet. Búgingi kúni Býrabaı aýdany halqynyń tek 51,7 paıyzy ǵana revaktsınatsııa aldy, qaıta revaktsınatsııamen nebári 1746 adam qamtyldy, birinshi komponentti 65,7 paıyz, ekinshisin-59,1 paıyz aldy», - dedi departament.
Aıta ketsek, budan buryn Aqmola oblysynda gepatıtpen syrqattanýshylyq 6 esege artqany jazylǵan edi.
