Býrabaıda Kókshetaý taýyna barýǵa ýaqytsha shekteý engizildi
ASTANA.KAZINFORM - «Býrabaı» memlekettik ulttyq tabıǵı parki 2026 jylǵy 20 maýsym kúni saǵat 07:00-den bastap Kókshetaý taýyna barý ýaqytsha shekteletinin habarlady.
Atalǵan shara ulttyq park aýmaǵyndaǵy órt qaýpiniń joǵary deńgeıine baılanysty engizilip otyr. Ýaqytsha shekteý yqtımal órt oshaqtarynyń aldyn alýǵa jáne Býrabaıdyń biregeı ekojúıesin saqtaýǵa baǵyttalǵan.
- «Býrabaı» MUTP kýrort qonaqtary men turǵyndarynan qabyldanyp jatqan sharalarǵa túsinistikpen qarap, demalys baǵyttaryn aldyn ala josparlaýdy jáne ulttyq parktiń balamaly týrıstik oryndaryna basymdyq berýdi suraıdy. Býrabaı tabıǵatyn saqtaý – árbir kelýshiniń jaýapkershiligin talap etetin ortaq mindet, - delingen habarlamada.
Aıta keteıik, Býrabaı ulttyq parkinde naızaǵaı túsýinen bolǵan orman órti «Smart» erte anyqtaý júıesiniń kómegimen der kezinde anyqtalyp, jedel túrde sóndirildi.
Qazaqstan 2026 jylǵy jazǵy týrıstik maýsymǵa daıyndalyp jatyr. Bıyl osy jumystar aıasynda eldegi segiz negizgi týrıstik aımaqta tekserý jumystary júrgizildi. Olardyń qatarynda Alakól, Balqash, Býrabaı, Kaspıı teńiziniń jaǵalaýy jáne Shyǵys Qazaqstandaǵy týrıstik baǵyttar bar.
