Býrabaıda kedergilermen júgirýden halyqaralyq jazǵy treıl jarysy ótip jatyr
«Ekstremaldy Atletıka» qoǵamdyq birlestigi men «Býrabaı damý» seriktestigi birlesip, Úlken jáne Kishi Shabaqty kólderinde ótkizip jatqan jarysqa Qazaqstan, Reseı, AQSh, Kanada, Ulybrıtanııa, Frantsııa, Ispanııa, Ońtústik Koreı, Ózbekstan jáne Qyrǵyzstan elderden barlyǵy 700-den astam sportshy qatysyp, úsh jas sanaty boıynsha baq synaýda.
Júgirý 10, 23 jáne 49 km qashyqtyqtaǵy treıl formatynda ótýde. Erejege saı qatysýshylar teńiz deńgeıinen 500 metr bıiktikke kóterildi jáne ártúrli kedergilerden ótip, tózimderin synap kórýde.
««Aqbura bay trail-3» jazǵy treıl jarysyn Býrabaıda osymen úshinshi jyl qatarynan ótkizip otyrmyz. Jyldan jylǵa qatysýshylar sany artyp keledi. Búgingi jarysqa 700 astam adam qatysyp otyr. Qatysýshylar jarys jolynda kedergilerdi baǵyndyrý arqyly qorshaǵan tabıǵattyń keremet kórinisterin tamashalaı alady. Uıymdastyrýshy retinde bıyl kóptegen qyzyqty tosyn syılar daıyndap, jarysty joǵary deńgeıde ótkizip otyrmyz», - deıdi «Aqbura bay trail-3» jazǵy treıl jarysynyń uıymdastyrýshysy Pavel Tentser.
Sondaı-aq 500 m jáne 1 km dıstantsııaǵa balalar sheberlik baıqasatyn bolady.
Sonymen qatar is-sharada demeýshiler tarapynan estelik syılyqtar utysy oınatylady. Barlyq qatysýshylarǵa medaldar men is-sharanyń sımvolıkasy bar fýtbolkalar úlestirilmek.
