Býrabaıda kazıno qyzmetkerin basynan uryp, uıaly telefonyn tartyp alǵan
KÓKShETAÝ. QazAqparat - Býrabaıda 27 jastaǵy kazıno qyzmetkerin basynan uryp, uıaly telefonyn tartyp alǵan kúdikti ustaldy, dep habarlaıdy «QazAqparat» HAA tilshisi ІІD baspasóz qyzmetine silteme jasap.
Polıtseılerdiń málimeti boıynsha, aǵymdaǵy jyldyń 14 qańtarynda Býrabaı aýdandyq ІІB kezekshilik bólimine 27 jastaǵy kókshetaýlyq áıel aryzdanǵan.
«Zardap shegýshiniń sózine qaraǵanda, Býrabaıdaǵy kazınolardyń birinde jumys isteıtin ol tańǵy 05:45 shamasynda úıine qaıtpaq bolady. Jolda taksı kútip turǵan ony belgisiz er adam ózimen birge júrýdi talap etedi. Aıtqanyna kónbegen soń er adam ony basynan uryp, quny 50 myń teńgeniń «Aıfon 4» uıaly telefonyn alyp oqıǵa ornynan taıyp turady.
Esin jıǵan qyz birden polıtsııaǵa habarlasady. Araǵa 20 mınýt salyp, «Boran» jol-patrýldik polıtsııasynyń qyzmetkerleri aǵa serjant Nurjan Jabın men Sergeı Tovmasıan 26 jastaǵy jergilikti turǵyndy qolǵa túsirdi», dep kórsetilgen habarlamada.
Qazirgi kezde, kúdikti ýaqytsha ustaý oqshaýlaǵyshyna qamalyp, ústinen QR QK 191 babynyń 2 bólimi sotqa deıingi is qozǵaldy.
