Býrabaıda qatty jyldamdyqpen júıtkigen kólik aǵashqa soǵyldy
KÓKShETAÝ. QazAqparat - Býrabaıda qatty jyldamdyqpen júıitkigen jeńil kólik aǵashqa soǵylyp, órtenip ketti, dep habarlaıdy QazAqparat tilshisi.
Aqmola oblystyq Polıtsııa departamenti baspasóz qyzmetiniń málimetinshe, jol apaty 4 sáýirde keshki saǵat 19:00 shamasynda «Şýche-Býrabaı» tas jolynyń 14 shaqyrymynda bolǵan.
«Anyqtalǵandaı, Býrabaı aýdanynyń 57 jastaǵy turǵyny «Aýdı» kóligimen Şýchınsk baǵytynda júrip bara jatyp, joldyń burlysynda kólikti basqara almaı aǵashqa soǵyldy. Saldarynan júrgizýshi «termııalyq kúıik» dıagnozymen aýrýhanaǵa jetkizildi. Qazirgi kezde polıtsııa jol apatynyń mán-jaıyn anyqtaýda», - dep túsindirdi QazAqparat tilshisiniń saýalyna PD baspasóz qyzmetinen.
Aıta ketsek, atalmysh jol apaty týraly beınejazba áleýmettik jelide taraǵan bolatyn.
