Býrabaıda «Qansonar-2021» halyqaralyq týrnıri ótip jatyr

KÓKShETAÝ. QazAqparat - Búgin Býrabaıda Qazaqstan Respýblıkasynyń Táýelsizdigi kúnine jáne ataqty búrkitshi Másip Batyrhanulyn eske alýǵa arnalǵan «Qansonar-2021» ańshy qustarmen ań aýlaý sheberleri arasynda halyqaralyq týrnır ótip jatyr, dep habarlaıdy QazAqparat tilshisi.

Oblystyq dene shynyqtyrý jáne sport basqarmasy baspasóz qyzmetiniń málimetinshe, baıraqty jarysqa Mońǵolııa, Qyrǵyzstan, Qytaı, Vengrııa jáne Qazaqstannyń ózge oblystarynan kelgen ataqty qusbegiler 60-qa jýyq jyrtqysh qustardy ákeldi.

«Qusbegiler «Búrkitpen ań aýlaý», «Suńqarmen ań aýlaý», «Qarshyǵa ań aýlaý» baǵdarlamalarynda jyldyń úzdik ańshysy ataǵy úshin kúresetin bolady. Erteń fınaldyq kezeń ótedi. Onda jarys jeńimpazdar men júldegerleri anyqtalyp, marapattalatyn bolady», - dedi vedomstvodan.