Býrabaıda iz-túzsiz joǵalǵan áıel óli kúıinde tabyldy
BÝRABAI. QazAqparat – Aqmola oblysynyń Býrabaı aýdanynda iz-túzsiz joǵalǵan áıel óli kúıinde tabyldy, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń deregi boıynsha, Jarqaıyń aýylynyń 1975 jyly týǵan turǵyny 26 qyrkúıek belgisiz jaǵdaıda joǵalyp ketken.
«Іzdestirý jumystaryna TJD jeke quramynan 14 qyzmetker jáne 1 tehnıka, Býrabaı aýdandyq PB jeke quramynan 10 qyzmetker jáne 2 tehnıka jumyldyryldy. Býrabaı aýdandyq PB qyzmetkerleri saǵat 13:00 Jarqaıyń aýylynan 7 shaqyrym jerden áıeldiń denesin tapty. Qazirgi kezde, sottyq medıtsınalyq saraptama taǵaıyndaldy», -dedi departament.
