Býrabaıda Eýrazııanyń qus ósirýshileri bas qosty
Shara Bulandydaǵy qus fabrıkasynyń ashylýyna oraı uıymdastyrylyp otyr. Formýmǵa Germanııa, Izraıl, Nıderlandy, Polsha, Ispanııa, Belgııa, Qytaı jáne EAEO pen TMD elderinen 250 ókil arnaıy shaqyrylǵan. Sondaı-aq, QR Aýyl sharýashylyǵy mınıstrliginiń, Aqmola oblysy men Býrabaı aýdanynyń, «QazAgro» jáne «Báıterek» ulttyq holdıngtik kompanııalary, «Atameken» ulttyq kásipkerler palatasy, salalyq kásipodaqtar, ǵylymı-zertteý jáne joǵary oqý oryndarynyń basshylary qatysty.
Forým Qazaqstan qus ósirýshiler odaǵynyń prezıdenti Rýslan Sháripov, Aqmola oblysynyń ákimi Málik Myrzalın jáne «Aitas-RZ» aktsıonerlik qoǵamynyń bas dırektory Serik Tolyqpaevtyń quttyqtaý sózimen ashyldy.
«Qazirgi kúni munda iri bes kásiporyn jumys isteıdi. Jalpy, oblys elimizdiń qus ónimderine degen suranysynyń 20 paıyzyn ótep otyrǵany sala tıimdiligin bildiredi jáne bolashaǵynyń zor ekendigin aıqyndaıdy. Oblysta jumys istep turǵan kásiporyndardyń eksporttyq áleýeti de artyp keledi. Al, ýaqyttyń óskeleń talaptaryna tolyq jaýap beretin «Makınsk qus fabrıkasynyń» bizdiń óńirde ornalasýy aqmolalyqtar úshin úlken mereı jáne memleketimizdiń strategııalyq saıasatynyń baıandylyǵyn kórsetedi. Sizderge jáne forým jumysyna tabys tileımin»,-dedi Málik Myrzalın.
Forýmnyń plenarlyq sessııasynda Qazaqstan qus ósirýshiler odaǵynyń basqarma múshesi, «Alel Agro» AQ basqarmasynyń tóraıymy Rázııa Jataqpaeva, Reseı qus ósirýshiler odaǵynyń prezıdenti, akademık Vladımır Fısının, «Orta Sert» JShS sertıfıkatsııalanǵan organynyń dırektory Tólegen Shanqulov, RF «MegaMıks» AAQ tehnologııalyq bóliminiń basshysy Sergeı Ivanov, «TITAN Agro Kazakhstan» JShS kommertsııalyq dırektory Natalıa Lejnevanyń taqyryptyq baıandamalary tyńdaldy.
Býrabaı forýmynda veterınarlyq medıtsına doktory Martynas GEHYS (Frantsııa), Slovenııa ǵylym akademııasy marketıng qyzmetiniń basshysy Urbancic Ales, veterınarııa jáne aýyl sharýashylyǵy bólimshesiniń dırektory Bulent Kukurtcu (Ispanııa), ınjener-bıotehnık Gaımard Marına (Frantsııa), Belgııalyq INNOYAD kompanııasynyń ókili, ǵylym doktory Arvıdas Sırvıdıs, «Bıonıka» kompanııasynyń dırektory Sergeı Ermolaev álemdik keńistiktegi qus ósirý ındýstrııasy jáne onyń ózekti máseleleri jaıly oılarymen bólisti.
Aıta keteıik, elimizdegi 55 kásiporynnyń 30-y jumyrtqa, 17-si qus etin óndirýmen aınalysady. Buǵan qosa, 8 asyl tuqymdy qus sharýashylyǵy tabysty jumys isteýde. Elimizdiń qus ósirýshiler odaǵy memlekettik qoldaý aıasynda «Qus ósirýdiń 2018-2027 jyldarǵa arnalǵan salalyq baǵdarlamasyn» ázirlegen. Bul baǵdarlamalyq qujat qus etin óndirý kólemin 500 myń tonnaǵa, jumyrtqa alýdy 7 mıllıard danaǵa jetkizýdi kózdeıdi. Olardyń arasynda Aqmola oblys aýmaǵyndaǵy «Ijevskıı» óndiristik koopertıvi» JShS, «QazGerQus» JShS, «Tselınograd qus fabrıkasy» JShS, «Úsh bulaq» JShS, «AgroInvest 2015» JShS, «CAPITAL PROJECTS» JShS jyldan jylǵa óndiris kólemin ulǵaıtyp, otandyq qus sharýashylyǵynyń damýyna eleýli úles qosyp keledi.
