Býrabaıda er adam jartastan qulap ketti

KÓKShETAÝ. QazAqparat - 25 shilde kúni saǵat 11.28-de biryńǵaı «112» kezekshilik-dıspetcherlik qyzmetine Býrabaı aýdanynyń Abylaı han alańy mańyńda er adamnyń jaraqat alǵany jóninde habar kelip túsken, dep habarlaıdy QazAqparat Aqmola oblystyq Tótenshe jaǵdaılar departamentine silteme jasap.

Saǵat 11.29-da oqıǵa ornyna 103 jedel járdem qyzmeti, Býrabaı aýdanynyń №7 qutqarý bólimshesi jáne TJD-ǵa qarasty 20-shy órt sóndirý bóliminiń qyzmetkerleri kelip jetken.

11.45-te T. esimdi azamat taýda serýendep júrip, jartastan qulap jaraqat alǵan.

Qutqarýshylar zardap shekken azamatqa alǵashqy medıtsınalyq kómek kórsetti. Keıin naýqasty kóterip taýdyń etegine túsirip, aýrýhanaǵa jetkizýge yńǵaıly aýmaqqa jetkizdi.

Zardap shekken azamat jedel járdem qyzmetkerlerine tapsyryldy. Qazir onyń jaǵdaıy birqalypty dep baǵalanýda.