Býrabaıda Burabike-2018 velosherýi bastaldy
ASTANA. QazAqparat - Şýche-Býrabaı kýrorttyq aımaǵynda Burabike 2018 jyl saıynǵy qaıyrymdylyq velosherýi bastaldy, dep habarlaıdy QazAqparat tilshisi.
Osymen altynshy ret uıymdastyrylyp otyrǵan sharaǵa qatysýshylar sany jyl sanap artýda. 2013 jyly velotrassaǵa 130-dan astam adam shyqsa, bıylǵy velosherýge 2300 adam qatysýda. Olar 30 shaqyrymdy baǵyndyrýdy kózdep otyr.
Burabike sherýiniń maqsaty - Qazaqstandaǵy balalar aýrýhanalaryn ómirlik mańyzy bar medıtsınalyq jabdyqtarmen jasaqtaý úshin qarajat jınaý.
Aıtýly sharaǵa QR Mədenıet jəne sport mınıstri Arystanbek Muhamedıuly, Olımpıada chempıony, veloshabandoz Aleksandr Vınokýrov pen ózge de tanymal sportshylar, iri bıznes ókilderi, saıasatkerler jəne qoǵam qaıratkerleri qatysýda.
«Salaýatty ómir saltyn nasıhattaıtyn qaıyrymdylyq sharanyń aıasy jyl sanap keńeıip kele jatqany qýantady. Óz atymnan barlyq qatysýshylarǵa alǵys bildiremin. Óıtkeni velosherý kómekke muqtaj jandarǵa qol ushyn sozý maqsatynda uıymdastyrylýda. Barsha qatysýshylarǵa səttilik tileımin», - dedi Arystanbek Muhamedıuly.
Ótken jyly qaıyrymdylyq sharasynan 168 mln 429 890 teńge qarajat jınalǵan bolatyn.
