Býrabaıda «Býrabaı tuqy -2023» týrnıri bastaldy

Búgin Býrabaı kýrorttyq aımaǵyndaǵy Qotyrkól kóliniń jaǵasynda «Býrabaı tuqy -2023» týrnıri bastaldy, dep habarlaıdy QazAqparat QR Prezıdentiniń Іs Basqarmasynyń resmı saıtyna silteme jasap.  

Býrabaı-Damý» seriktestigi uıymdastyrǵan balyqshylar jarysyna Qazaqstannyń túkpir-túkpirinen kelgen 30 komanda qatysyp jatyr. 

– Bul týrnır buryn elimizdiń ózge óńirlerinde ótetin. Bıyl Aqmola oblysynda alǵash ret uıymdastyrylyp otyr, – dedi «Býrabaı-Damý» seriktestiginiń týrızm jáne marketıng bóliminiń bas menedjeri Oljas Danııarov.

Saıys erejesi boıynsha, balyqshylar ustaǵan balyǵyn sýretke túsirip, salmaǵyn ólshep, qazylardyń esebine tirketken soń, birden sýǵa jiberedi. Qazylar salmaǵy 1,5 kılodan asatyn balyqtardy ǵana esepke alady. Búgin tańǵy 7:00-de jarys erteń tańǵy 10:00-ge deıin jalǵasady.