Býrabaıda «BURABAY NOMAD FOOD» festıvali ótedi
KÓKShETAÝ. QazAqparat - 2018 jyldyń 22 qyrkúıeginde Býrabaıda tuńǵysh ret aspazdardyń halyqaralyq «BURABAY NOMAD FOOD» festıvali ótedi, dep habarlaıdy QazAqparat tilshisi «Visit Aqmola» týrıstik aqparattyq ortalyǵyna silteme jasap.
Dúnıejúzilik WORLDCHEFS (World Association of Chefs' Societies) aspazdar qaýymdastyǵynyń qoldaýymen Qazaqstan aspazdarynyń ulttyq qaýymdastyǵy men Aqmola oblysynyń týrızm basqarmasy birlesip ótkizgeli otyrǵan sharada kóshpendilerdiń ulttyq taǵamyn ázirleý boıynsha komandalyq jəne aspazshylardyń jeke saıysy, sondaı-aq, aspazdardyń sheberlik synyby, tamaqtaný jəne qonaqjaılylyq boıynsha semınar, lektsııa jəne dóńgelek ústel uıymdastyrylady. Oǵan qosa, «Qazaqstanda jasalǵan» saýda belgisimen aýyl sharýashylyǵy ónimderiniń kórmesi ótedi.
Festıval sheńberinde otandyq estrada juldyzdary men bı ansamblderiniń kontsertin de uıymdastyrý josparlanǵan.
«Barshańyzdy aspazshylardyń halyqaralyq «BURABAY NOMAD FOOD» festıvaline shaqyramyz. Tolyq aqparatty 87162 72 33 53 telefon nómiri nemese info@visitaqmola.kz elektrondy poshtasy arqyly alýǵa bolady. Al, kazchefs.kz paraqshasynda qatysý erejesi jarııalanǵan», dep kórsetilgen habarlamada.
