Býrabaıda birinshi halyqaralyq gastronomııalyq festıval ótkizilmek
KÓKShETAÝ. QazAqparat- 2018 jyldyń kúzinde Býrabaıda birinshi halyqaralyq gastronomııalyq festıval ótkizilmek, dep habarlaıdy QazAqparat tilshisi Aqmola oblysy ákiminiń keńesshisi Marat Iǵalıevke silteme jasap.
«Atameken óńirlik kásipkerler palatasynda meıramhanalardyń oblystyq qaýymdastyǵymen kezdesý ótkizdim. 2018 jyldyń kúzinde Býrabaıda birinshi halyqaralyq gastronomııalyq festıval ótkizilmek. Oskar aspazdyq- Mıshlen belgisi bar aspazshylarmen sheberlik synybyn ótkizý týraly kelisim bar», - dep jazady Marat Iǵalıev óziniń Facebook paraqshasynda.
Ol týrızmdi damytý baǵyttarynda qoǵam ókilderinen usynys kútetinin aıtty.
«Aqmola oblysynyń əkimdigi óńirde jyl boıy týrızmdi damytý boıynsha jumystar júrgizýde. Biz óńirimizde kóktem, qys jəne kúzde ótkizýge yńǵaıly sharalar týraly usynystar kútemiz», -dedi M.Iǵalıev.
