Býrabaıda bes qurylysshy ekinshi qabattan qulap túsken

KÓKShETAÝ. QazAqparat - Býrabaıda nysandy qaptaýmen aınalysqan bes qurylysshy ekinshi qabattan qulap túsken. Polıtsııa eńbekti qorǵaý erejesin buzý oqıǵasy boıynsha sotqa deıingi tergeý júrgizýde, dep habarlaıdy QazAqparat tilshisi.

Aqmola oblystyq PD baspasóz qyzmetiniń málimetinshe, 13 sáýirde Býrabaı aýdandyq PB kezekshilik bólimine ýchaskelik polıtsııa ınspektorynan aýdandyq aýrýhanaǵa 18-47 jas aralyǵyndaǵy jergilikti bes turǵynnyń túrli dene jaraqattarymen túskenin habarlady. Jedel-tergeý toby zardap shekkenderdiń Býrabaı kentindegi qurylys nysanynda qaptaý jumystary kezinde qulaǵanyn anyqtady.

«Zardap shekkender óz betinshe qurylys aǵashtaryn montajdaýdy júrgizdi (qurylys, montajdaý jumystaryn oryndaý kezinde jumysshylar men materıaldardy ornalastyrý úshin ýaqytsha qosalqy qurylys). Tirek elementterin osal bektilgendikten jumysshylar ekinshi qabattaǵy bıiktikten qulady», - deıdi vedomstvodan.

Qazirgi kezde, osy oqıǵaǵa baılanysty Qylmystyq kodekstiń 156 babynyń 1 bóligi «Eńbekti qorǵaý erejelerin buzý» boıynsha sotqa deıingi teregý sharalary júrgizilýde. Sonymen birge, memlekettik eńbek ınspektorynyń qorytyndysy júrgizilip, sot-medıtsınalyq saraptama taǵaıyndaldy.