Býrabaıda áıeldiń kúıgen denesi tabyldy: polıtsııa túsinik berdi
KÓKShETAÝ. KAZINFORM – Býrabaı aýdanynda áıeldiń kúıgen denesi tabylýyna baılanysty polıtsııa túsinik berdi.
Aqmola oblysy PD baspasóz qyzmetiniń málimetinshe, qazirgi kezde Býrabaı aýdanynda áıeldi óltirý deregine qatysty sotqa deıingi tergeý amaldary qolǵa alyndy.
«Jedel–izdestirý is-sharasy barysynda osy qylmysqa qatysy bolýy múmkin eki kúdikti anyqtalyp, ýaqytsha ustaý oqshaýlaǵyshyna qamaldy. Qylmystyq protsessýaldyq kodekstiń 201-babyna sáıkes ózge de aqparat jarııalaýǵa jatpaıdy», - dep túsindirdi vedomstvodan.
Aıta ketsek, áleýmettik jelide Býrabaı aýdany aýmaǵyndaǵy orman alqabynan áıeldiń máıiti tabylǵany týraly jarııalanǵan bolatyn. Jazbada áıeldi ishimdik ishý kezinde tanystary óltirip, artynsha ormannyń ishine aparyp denesin órtegeni aıtylady.
Eske salaıyq, Aqmola oblysynda Reseı azamatyn óltirgen kúdikti ustaldy.
