Býrabaıda aspaly shyny kópir salynbaq
«Bul joba oblys ákimi tarapynan qoldaý taýyp otyr», - dep túsindirdi oblystyq týrızm basqarmasynyń «Týrıstik aqparattyq ortalyǵy» KMM basshysy Janat Nuǵymanov.
Joba memlekettik bıýdjet esebinen emes, jekemenshik ınvestıtsııa tartý arqyly júzege asyrylmaq. Əzirge jobalyq-smetalyq qujattary daıyndalǵan joq. Aldaǵy ýaqytta áleýetti ınvestor tabylyp jatsa, jobany júzege asyralady.
Týrızm basqarmasynyń deregi boıynsha aspaly shyny kópir Býrabaıdaǵy Bólektaý taýynan Týfelka shyńyna deıin uzyndyǵy 230 metr qashyqtyqqa deıin sozylatyn bolady.
«Osyndaı uzyndyǵy 500-600 metr aspaly kópirler Qytaı jáne Japon elderinde bar. Sondyqtan, ony salýda eshqandaı qıyndyq týmasy anyq. Bul óńirge qosymsha týrısterdi tartýǵa septigin tıgizetini sózsiz», - dedi Janat Nuǵymanov.
Eske sala keteıik, atalmysh jobany 2018 jyldary júzege asyrý kózdelip otyr. Qazirgi kezde, jobany qolǵa alýǵa nıetti ınvestorlardyń ótinishteri qabyldanýda.
