Býrabaıda «Altyn fest Burabay» kúzgi festıvali ótti

KÓKShETAÝ. QazAqparat - Aqmola oblysynyń Býrabaı kýrortynda «Four Seasons» ımıdjdik jobasy aıasynda «Altyn fest Burabay» festıvali ótti, dep habarlaıdy QazAqparat tilshisi.

Sharaǵa Aqmola, Soltústik Qazaqstan, Pavlodar, Mańǵystaý jáne ózge de óńirlerden týrıstik sala ókilderi, baý-baqsha ósirýshiler jáne qolónershiler qatysty. Olar jańa pisken kókónis, jemis, jıdek, bal, jańǵaq, sańyraýqulaq jəne balyqtan úı jaǵdaıynda jasalynǵan túrli ónimder men konservilerdi, tabıǵı shópterden əzirlengen dárilik shyryndar men qospalardy usyndy.

Sonymen qatar, ónimdi qalaı ósirip, jınaý kerektigi, konserviler ázirlep, dekoratıvti jəne ónimdiligi joǵary daqyldardy ósirýde jáne qolóner buıymdaryn jasaýda qazirgi zamanǵy ozyq tehnologııalardy qalaı qoldaný qajettigi jóninde sheberlik sabaqtar ótti. Qatysýshylar ózara tájirıbe jáne pikir almasty.

Baıqaý jeńimpazdary birneshe atalym boıynsha anyqtalyp, úzdikter dıplomdarmen jáne baǵaly syılyqtarmen marapattaldy.