Býrabaıda adamdardyń jappaı ýlanýynyń naqty sebebi anyqtaldy
KÓKShETAÝ. QazAqparat - Aqmola oblysynyń Býrabaı kentinde janaza asynan ýlanǵandardyń salmonellez juqtyrǵany anyqtaldy. Bul týraly oblystyq tutynýshylar quqyǵyn qorǵaý departamentiniń ınfektsııalyq jáne parazıttik aýrýlardy epıdemıologııalyq qadaǵalaý bóliminiń basshysy Ásem Tóleýbaeva málim etti, dep habarlaıdy «QazAqparat» HAA tilshisi.
Eske sala keteıik, aǵymdaǵy jyldyń 26 aqpanynda Býrabaı kentindegi dámhanalardyń birinde janaza asyna barǵan 232 adamnyń 44-i ózderin jaısyz sezinip, dáriger kómegine júgingen bolatyn. Naýqastardyń barlyǵy ishi ótip, qusý, ystyǵynyń kóterilýin aıtyp, shaǵymdanǵan. Dárigerler tarapynan naýqastarǵa birden jedel medıtsınalyq kómek kórsetildi. Onyń ishinde 10 naýqas úılerinde ambýlatorııalyq em qabyldasa, qalǵany mekenjaılary boıynsha aýrýhanalarǵa jatqyzyldy.
Mamandar aýrý jedel ishek juqpasy nemese salmonellez jáne sol kúni asylǵan jylqy etinen bolýy múmkin dep dámhanadaǵy as máziriniń barlyǵynan zerthanalyq synama alyp, saraptamaǵa jiberedi. Óıtkeni, janaza asyn uıymdastyrýshylar etti ózderi alyp kelgen.
Naýqastardyń deni Býrabaı aýdany men Astana jáne Kókshetaý qalalarynan barǵan adamdar. Osyǵan baılanysty sol kúni asqa shaqyrylǵan adamdardyń barlyǵynyń aty-jóni anyqtalyp, tizimderi jasalyndy.
«Zerthanalyq saraptama qorytyndysyna saı ýlanǵan adamdardyń 43-i salmonellez juqtyrǵany anyqtaldy», dep túsindirdi Ásem Tóleýbaeva.
