Býrabaıda 59 jastaǵy áıel bir aıdan beri tabylmaı jatyr
KÓKShETAÝ. QazAqparat - Aqmola oblysy Býrabaı aýdanynyń 59 jastaǵy turǵyny Bıbigúl Ýaısova bir aıdan beri tabylmaı jatyr. Áıeldi polıtsııa qyzmetkerleri men eriktiler izdestirýde, dep habarlaıdy QazAqparat tilshisi.
«Joǵalǵan áıeldiń aǵasy polıtsııaǵa kómek surap júgindi. Er adam ápkesiniń 11 aqpanda jumysqa ketip, sodan qaıtyp oralmaǵanyn aıtqan. Qazirgi ýaqytta izdestirý sharalaryn júrgizip jatqan tártip saqshylaryna Şýche qalasyndaǵy «Lider.kz» eriktileri kómektesýde», - dedi vedomstvodan.
Polıtsııa qyzmetkerleri joǵalǵan áıeldiń týystary men tanystarynan, kórshilerinen, sondaı-aq, joǵalǵan kúni kórgen adamdardan surastyrdy. Sonymen qatar, Bıbigúl Ýaısovanyń joǵalýyna qatysty qandaı da bir málimeti bar adamdar bolsa, quqyq qorǵaý organdaryna habarlasýyn suraıdy.
