Býrabaıda 19 jastaǵy astanalyq taýdan qulap, aýrýhanaǵa tústi

KÓKShETAÝ. QazAqparat – Býrabaıda 19 jastaǵy astanalyq taýdan qulap, aıaǵyn syndyryp aldy, dep habarlaıdy QazAqparat tilshisi.

Aqmola oblystyq TJD baspasóz qyzmetiniń málimetinshe, keleńsiz jaǵdaı búgin saǵat 16:47 shamasynda «Týfelka» taýynda bolǵan.

«Taýǵa kótirlmekshi bolǵan Nur-Sultan qalasynyń 19 jastaǵy turǵyny 20 metr bıiktikten qulap ketti. Saldarynan jigittiń aıaǵy synyp, túrli dene jaraqatyn aldy. Oǵan qutqarý beketi basshysynyń mindetin atqarýshy Maksım Ponomarev bastaǵan qutqarýshylar –Aleksandr Popov, Álibek Aıtjanov, Evgenıı Lıahov kómekke keldi. Qutqarýshylar zardap shekkendi zembil arqyly taý eteginde turǵan jedel járdem kóligine jetkizdi», - vedomstvodan.

Osy rette, TJD qyzmetkerleri demalýshylarǵa taýdaǵy qaýipsizdik sharalaryn saqtaý qajettigin eskertedi.

Aıta ketsek, budan buryn Býrabaı taýynda 53 jastaǵy áıel qulap, aıaǵyn syndyryp aldy .

Foto: Aqmola oblystyq TJD baspasóz qyzmeti