Býrabaı jer ýchaskelerin uzaq merzimge jalǵa beredi

ASTANA. KAZINFORM – «Býrabaı» memlekettik ulttyq tabıǵı parki týrıstik jáne rekreatsııalyq jobalardy iske asyrý úshin jer ýchaskelerin uzaq merzimdi jalǵa beredi. 

Bul bastama ataqty «Býrabaı» kýrorty aýmaǵynda qonaqúıler, etnoaýyldar jáne týrıstik ári rekreatsııalyq maqsattaǵy nysandar salýǵa jańa múmkindikter ashady.

Atalǵan bastama Prezıdent Qasym-Jomart Toqaevtyń «Aqbýra», Júkeı kóli, Qatarkól jáne Tekekóldi qosa alǵanda, jańa týrıstik aımaqtardy damytý jónindegi tapsyrmasy aıasynda júzege asyrylyp otyr. 

«Býrabaı» ulttyq parki ınvestıtsııa tartý jáne rekreatsııalyq ınfraqurylymnyń biregeı nysandaryn qurý maqsatynda, sırek baratyn ári áleýeti joǵary lokatsııalardy ıgerýge basymdyq bere otyryp, jer ýchaskeleriniń pýlyn qalyptastyryp otyr.

Jer ýchaskelerin berý Qazaqstan Respýblıkasynyń qoldanystaǵy zańnamasyna qatań sáıkestikte, barlyq ekologııalyq talaptar men erekshe qorǵalatyn tabıǵı aýmaqtardyń qorǵaý rejımderin eskere otyryp júzege asyrylady.

Jer ýchaskelerin berý tártibi men jalǵa alý sharttary týraly tolyq aqparat parktiń resmı saıtynda jarııalanady.