Býrabaı jaǵajaılaryndaǵy servıstiń sapasyn prokýratýra teksere bastady
ALMATY. QazAqparat - Aqmola oblystyq tabıǵatty qorǵaý prokýratýrasy Býrabaı jaǵajaılaryndaǵy servıstiń sapasyn teksere bastady, dep habarlaıdy QazAqparat tilshisi.
Prokýratýranyń Feısbýktegi paraqshasynda kórsetilgendeı, mekeme ókilderi «Býrabaı» ulttyq parkiniń basshylyǵymen birige otyryp, aqyly jaǵajaılardy aralap shyqqan.
«Jaǵajaılardy jalǵa alatyndarmen suhbat júrgizildi. Qyzmet kórsetý sapasyn jaqsarý, baǵasyn arzandatý máseleleri talqylandy. Keıbir kásipkerlerge tazalyq saqtaý úshin qosymsha bıoájethana ornalastyrý týraly aıtyldy», - dedi prokýratýra ókilderi.
Aıta ketý kerek, munyń aldynda Býrabaı kýrortynda demalýshylar servıstiń nasharlyǵyna aıtyp, áleýmettik jelide narazylyq bildirgen bolatyn. Adamdar bıoájethanalardyń qymbattyǵyn da tilge tıek etken.
Keıinirek jaǵajaılardy basqarýshy Jandos Baıkenjınov ájethanalardyń Ulttyq park menshiginde emes, jalǵa alynatynyn aıtty.
Sondaı-aq, Aqmola oblystyq tabıǵatty qorǵaý prokýratýrasy «Býrabaı» ulttyq parkiniń basshylyǵyna aımaqty jalǵa berý sharttarynyń saqtalýyn baqylaýǵa nusqaý berdi.
