«Burabay Women's Synergy» forýmy: úzdik kəsipker áıelder marapattaldy
KÓKShETAÝ. QazAqparat - Býrabaıda Aqmola oblysynyń isker áıelderiniń «Burabay Women's Synergy» forýmy ótti, dep habarlaıdy QazAqparat tilshisi.
«Aınakól» qonaq úıinde uıymdastyrylǵan sharaǵa «Atameken» UKP janyndaǵy Іsker áıelder keńesiniń tóraıymy Lázzat Ramazanova, Aqmola oblysy ákiminiń orynbasary Marat Iǵalıev, Aqmola oblysy boıynsha isker áıelder keńesiniń tóraıymy Gúlmıra Qusaıyn, oblys jáne elimizdiń ár óńirinen kelgen isker áıelder qatysty.
«Aqmoladaǵy isker áıelder keńesiniń qurylyp, jumys isteı bastaǵan qıyn joly əli esimde. Búgingi ózimiz kórip otyrǵandaı óńirde bıznes hanymdardy qoldaýǵa zor kóńil bólinip keledi. Bul ərıne, bizderdi qýantady. Jyldan jylǵa qatarymyz kóbeıip keledi...», dedi Lázzat Ramazanova.
Forýmda Aqmola oblysy boıynsha kásipkerler palatasy janynan qurylǵan isker áıelder keńesiniń jumysy týraly Gúlmıra Qusaıyn aıtyp berdi.
Onyń sózinshe, atalǵan eseptik kezeńde oblysta biraz sharýa tyndyryldy. «Bastaý» baǵdarlamasy boıynsha 420, «Bıznes-keńesshi» - 750, «Іsker baılanys» 63 əıel kýrstan ótse, 38 bıznes hanym Nazarbaev ýnıversıtetinde top-menedjment boıynsha oqydy. Jalpy, Aqmola oblysynda kəsipker áıelderdiń úlesi 60 paıyzdy quraıdy.
«Belsendi aqmolalyq áıelderdiń iskerligine tań qalmaýǵa bolmas. Óıtkeni, búginde názik jandar túrli salada erlermen qatar eńbek etip, belsendilik tanytyp júr», dedi Gúlmıra Qusaıyn.
Jıynda úzdik kəsipker əıelder «Atameken» UKP, Aqmola oblysy əkimdigi jəne óńirlik kəsipkerler palatasynyń Alǵys hattarymen marapattaldy.
