Býrabaı ulttyq tabıǵı saıabaǵyn qandaı ózgerister kútip tur
«Kýrort aımaǵyndaǵy «Býrabaı» memlekettik ulttyq tabıǵı parki qyzmetkerleri jalpy aýmaǵy 129 myń gektardan asatyn tabıǵı keshendi kútip-baptaıdy. Bıyl, jyl basynan, ınspektorlar 66 gektardan astam jerge aǵash otyrǵyzdy jáne 174 ret reıd jasady, sonymen birge ormannyń tabıǵı qalpyn tekserý úshin ondaǵan gektar alqapqa zertteý júrgizdi. Ormandy órtten qorǵaý - jumyskerlerdiń negizgi mindetteriniń biri. QR Prezıdenti Іs Basqarmasynyń kásiporyndaryn tsıfrlandyrý baǵdarlamasy aıasynda júzege asyp jatqan «Smart National Park Burabay» avtomattandyrylǵan júıesi ormandaǵy órtti jyldam anyqtaýǵa jáne der kezinde naqty qareket jasaýǵa kómektesedi» dep jazdy Aıbek Dádebaev Telegram kanalynda.
Onyń aıtýynsha, bıyl bul aýmaqta 16 ret órt shyǵyp, der kezinde sóndirilgen.
Ormanǵa eshqandaı zaqym kelgen joq. «Býrabaı» MUTP jasyl-jelekti aýmaqty qorǵaýmen qatar týrısterdiń qyzyǵýshylyǵyn týdyratyn jerlerdi, oǵan baratyn joldardy bekitedi jáne baqylaıdy. Ulttyq saıabaqta osyndaı 29 baǵyt bar.
«Buǵan qosa kásiporyn demalys oryndary, qaıyq stantsııalary, jaǵajaılar jáne basqa týrıstik-rekreatsııalyq qyzmettiń damýyn da qadaǵalaıdy. Kásipkerlerdiń basqarýyndaǵy ol oryndar qatań túrde qaýipsizdik talaptary men standarttaryna sáıkes uıymdastyrylýy kerek. Bıyl demalys aımaqtaryn damytý úshin konkýrstyq negizde 18 alań qysqa merzimdi paıdalanýǵa berildi. Osy jyldyń maýsym aıynda Býrabaı ulttyq saıabaǵy ıÝNESKO-nyń bıosferalyq rezervattardyń dúnıejúzilik jelisine engizilgenin atap ótken jón. Bul Býrabaıdyń tabıǵı týrıstik bedelin kóteretini óz aldyna, kásiporynnyń ǵylymı qyzmetkerleri ormandy qorǵaý men bıoalýandyqty arttyrýdyń álemdik ozyq tájirıbesine qol jetkize alady» dep atap ótti Prezıdenttiń is basqarýshysy.
