Býrabaı ulttyq saıabaǵynda zańsyz aǵash keskender ustaldy

BÝRABAI. QazAqparat - Aqmola oblysynyń birqatar aýdandarynda zańsyz aǵash kesý oqıǵasy anyqtaldy, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, oblys aýmaǵynda qazannyń 5-31 kúnderi tabıǵatty qorǵaý zańnamasynyń qorǵalýyn qamtamasyz etý, bıologııalyq resýrstar ónimi men nysandarynyń zańsyz aınalymyn, ekologııalyq qylmystardy ashý baǵytynda «Brakoner» jedel aldyn alý sharasy ótip jatyr. Sharanyń alǵashqy kúni Aqmola oblystyq PD tabıǵatty qorǵaý polıtsııasynyń qyzmetkerleri men Orman sharýashylyǵy jáne janýarlar álemi komıtetiniń óńirlik organdary birlesip júrgizgen tekseris kezinde Soltústik orman sharýashylyǵy aýmaǵynda 36 kvartal, 39 enshisinde jalpy kólemi 0.7 tekshe metr aǵashtyń otalǵany anyqtaldy.

Sonymen qatar, «Býrabaı» memlekettik ulttyq tabıǵı saıabaǵy orman sharýashylyǵy aýmaǵynda 105 kvartal, 17 enshide qaıyń jáne qaraǵaı aǵashtarynyń zańsyz kesilgeni belgili boldy. Tabıǵatqa keltirilgen shyǵyn kólemi - 499 000 teńge.

«Jedel izdestirý sharasy kezinde Stepnıak qalasy men Zerendi selosynyń 56 jáne 36 jastaǵy turǵyndary anyqtalyp, ustaldy. Qazirgi kezde olardyń ústinen zańsyz aǵash kesýge qatysty is qozǵalyp, sotqa deıingi tergeý amaldary júrgizilýde», dep aıtty vedomstvodan.

Aıta ketý kerek, memlekettik orman qorynda zańsyz aǵash kesken adamdarǵa QR QK 340-baby boıynsha qylmystyq jaýapkershilik qarastyrylǵan.